المشكلة مو في واتساب… في اللي بعده
واتساب ممتاز في استقبال العميل. المشكلة تبدأ بعد الرسالة: من يسعّر؟ متى؟ وين انكتب الطلب؟ من يتابع التحصيل؟ في يوم فيه ثلاثين محادثة، الطلب ما يضيع لأن أحداً قصّر — يضيع لأن ما فيه آلية تنقله من مربّع لمربّع.
فالهدف مو «بوت يرد على العملاء». الهدف مسار كامل: كل رسالة تصير طلباً له رقم، وكل طلب يمشي لين ما يتقفل — والموظف يتدخّل في اللحظة اللي تحتاج إنساناً فقط.
المسار كامل — خطوة خطوة
هذا شكل المسار الأول اللي نبنيه عادةً. مو كل مؤسسة تحتاجه كامل، ونادراً نبنيه كامل من أول يوم.
- الرسالة تصير طلباًرسالة العميل تُقرأ وتُصنّف: استفسار سعر، طلب جديد، متابعة طلب قائم، أو شكوى. ويُفتح لها سجل برقم يتتبّعه الجميع.
- العميل يُعرف من رقمهالرقم نفسه يربط المحادثة بملف العميل: طلباته السابقة، أسعاره المتفق عليها، ورصيده. فما تسأل عميلاً قديماً عن بياناته من جديد.
- عرض السعر يطلع بنفسهالأصناف المطلوبة تُسعّر من قائمتك المعتمدة، ويصدر عرض سعر PDF باسم مؤسستك ويوصل العميل في المحادثة نفسها. أنت تعتمده قبل الإرسال إن حبّيت.
- الموافقة تفتح الطلب«موافق» من العميل تتحوّل إلى أمر بيع في نظامك، لا إلى رسالة ثانية في قائمة انتظار موظف.
- الفاتورة والتحصيل يمشون وراهالفاتورة تصدر وتوصل العميل، والتذكير بالتحصيل يرسل نفسه في مواعيده — بأدب، وبلا ما أحد يتذكّر.
- اللي ما يمشي… يرفع يدهطلب وقف يومين بلا حركة، عرض سعر ما أحد ردّ عليه، فاتورة تأخّرت: تطلع في تنبيه، بدل ما تكتشفها بعد شهر.
- تقرير يومك يوصلكنهاية اليوم: كم عرض سعر طلع، كم طلب دخل، كم تحصّل، وش المعلّق. في رسالة واحدة، بدون ما تتصل على أحد.
تبيع أصنافاً بمقاسات ومواصفات؟ اقرأ نسخة هذا المسار لمحلات المواد الصناعية والمثبتات ←
وش تحتاج عشان نبدأ؟
رقم مؤسستك الحالي يكفي في الغالب. الربط الرسمي عبر واجهة واتساب للأعمال — مو أداة غير رسمية يتوقّف رقمك بسببها.
إكسل يكفي. الشرط الوحيد أن يكون فيه مصدر واحد للسعر — لأن الأتمتة تكشف التناقض بدل ما تخفيه.
عندك ERPNext أو أودو أو دفترة؟ نبني فوقه. ما عندك شيء؟ نبدأ بمسار بسيط ونضيف النظام حين تحتاجه فعلاً.
جلسة تشخيص نمشي فيها على يوم عمل حقيقي عندك، ونطلع بأول مسار يستحق الأتمتة. مجانية وبلا التزام.
بحسابات مؤسستك… وما نحبسك
المسار يُبنى على حسابات مؤسستك: رقم واتسابك، نظامك، بياناتك. بياناتك تبقى ملكك بالكامل ومشفّرة، وكل موظف يوصل بقدر شغله فقط — ولا نستخدمها لأي غرض آخر، وهذا مكتوب في اتفاقيتنا.
ونقدر ننشر المسار كاملاً على بنية مؤسستك حين تكون جاهزة لذلك — والبديل بيئة تشغيل عندنا. الفرق بينهما حقيقي (محلي عندك أو على الويب)، ونوضّح لك أيّهما يناسب حالتك من أول جلسة.
وما فيه عقود طويلة تحبسك: تجرّب أول مسار على طلبات حقيقية، وتحكم بنفسك إن كان يستاهل التوسّع أو لا.